EUSKARAREN LASTERKETA

Blog honetan ikus dezakezuen bezala, estrategia batzuk erabiltzen ditugu zuen seme-alabekin lan egiteko. Orain arte, termometroaren erabilerarekin aritu gara, eta beharrezkoa zenean, martxan jarriz, baliagarria izan zaigu.

Orain ludotekan euskaraz hitz egiteko estrategiak bultzatzen ari gara eta horretarako euskararen lasterketan egiten hasi gara. Eta hau zer da? Ba, ludotekako txikien gelaren sarreran ikusi ahal izango duzuen bezala, argazki honetan agertzen den panela daukagu. Panel horretan zuen haurren bazkide zenbakia, argazkia eta beraien izenak agertzen dira. Honek eguneroko jarraipena izango du, euskaraz aritzen diren umeei gometx bat ipiniko baitiegu arratsalde bukaeran, eta horrela hilabete bukaerara heltzean gometx gehien izaten dituzten haurrak gure euskararen txapelketako irabazleak izango dira.

Estrategia honen bitartez, errefortzu positiboa lantzea nahi dugu, horrela euskaraz hitz egitea gehiago kostatzen zaien haurrek ere gometxsak izatea nahiko baitute, eta horregatik euskaraz arituko dira.

Estrategia honen inguruan iritzia eman nahi baduzue, blog-ean bertan idatz dezakezue edo bestela ludotekako hezitzaileoi esan diezagukezue.

JOSTAILU ZAHARRAK JOSTAILU BERRIEN TRUKE!!!

Jostailu truke merkatua burutuko da aurten ere gure herrian. Umeek erabiltzen ez dituzten eta egoera onean dauden jostailuak ekarriko dituzte ondoren agertzen diren egunetan, eta jostailu bakoitzeko txartel bana emango zaie. Gero, txartel bakoitza beste edozein jostailugatik trukatu ahal izango dute. Jostailuen bilketa egunak honako hauek izango dira:

-Azaroak 25, 18:00-19:30, Arimazuri plazan.
-Azaroak 26, 18:00-19:30, Santamarinako ludotekan.
-Azaroak 27, 18:00-19:30, Bitteri plazan.
-Abenduak 2, 18:00-19:30, Okendoko ludotekan.
-Abenduak 3, 18:00-19:30, Arimazuri plazan.
-Abenduak 4, 18:00-19:30, Santamarinako parkean .
-Abenduak 9, 18:00-19:30, Santamarinako ludotekan.
-Abenduak 10, 18:00-19:30, Okendoko ludotekan.
-Abenduak 11, 18:00-19:30, Arimazuri plazan.

Behin jostailuak elkartuta, eta zuen txartela lortuta, Abenduaren 13an, 12:00tatik 14:00etara eta 16:00etatik 20:00tara, Jostailuen truke merkatua izango da Okendoko ludotekan.

ANIMATU ZUEN JOSTAILUAK TRUKATZERA!!!!!

TXOKO BERRIA

Ludotekako txikien gelan haurrekin batera txoko berri bat sortu dugu. Etxe txokoaren ondoan dago kokatuta eta etxearekin bat doa, baratza eta korta edo ukuilua. Biak haurrek egindako marrazkiekin daude osatuta. Argazkietan ikus daiteen bezala, haur askok hartu dute parte, txoko berri hau sortzeko orduan.

NATURAREN ELEMENTUAK

Azken hilabete hauetan ludotekan, Naturaren elementuen gaia landu dugu eta horrekin lotutako eskulan eta jolasak eginez aritu gara. Hemen ikusgai dituzue horietako batzuk.

JOLASAK

EUSKARAREN EGUNA

Abenduaren 3an, Euskararen eguna izanik, ospakizun bat egingo dugu ludotekako umeekin. Festa hau hiru Ludoteketako haurrei zuzenduta dago eta nahiz eta hasiera batean Biteri plazan egiteko asmoa egon, eguraldia dela eta Okendoko Ludotekan egitea erabaki dugu.
Nahiz eta asteazkena izan, Ludotekan daukagun funtzinamendu taula alde batetara utziko dugu eta haur hezkuntzako haurrak ere etortzeko aukera izango dute ospakizun honetara.
Ludoteka beti bezala 17:00etan irekiko da baina ospakizuna 17:30-18:00 inguruan hasiko da, orduan iritsiko baitira Usaetxe eta Santamaiñako ludoteketako haurrak.
Jailadian ekintza desberdin ugari izango ditugu: pintxo tailerra, muralak, karaokea, txapa tailerra, aurpegi margoketa, mihilizu txapelketa... Mihiluze txapelketari dagokionez, finala izango dugu. Aurreko asteetan ludoteka bakoitzean final honetarako finalistak aukeratzeko txapelketak egiten aritu gara, eta abenduaren 3an ludoteka bakoitzeko finalistak arituko dira lehian.
Bukatzeko, festara hurbiltzera animatzen zaituztegu.

IKUSKIZUNA

Ondorengo egunetan zuen seme alabek bideo txiki hau ikusteko aukera izango dute ludotekan.

GURASOEN PROIEKTUA

Ludotekan ikasturte hasierako bileran azaldu bezala, aurtengo erronka berrietako bat gurasook ludotekako dinamika ezagutu eta bertara gerturatzea da, haurren heziketarako denon elkarlana beharrezkoa baita. Beraz, jarraian denok parte hartzeko antolatu ditugun ekintzen berri emango dizuegu:

-Birziklatuz sortu:haurrek zuei birziklatutako materiala erabiliz jostailuak sortzen irakasteko tailerra.
-Ipuin kontaketa:zuek haurreik eskainiko diezuen saioa.
-Haurrek gidatutako erakusketa:haurek hilabete hauetan ludotekan sortutako eskulan eta argazkiak erakutsi eta azalduko dizkizuete.
-Sukaldaritza tailerra:haurren eta zuen artean postre goxo bat sortzeko aukera izango duzue.
-Jaialdia:gabonetako jaialdia antolatuko dugu eta besteak beste haurrek prestatutako ikuskizunetaz gozatzeko aukera izango duzue.
-Baliabide truke taielerra:guraso eta haurren artean lehengo eta oraingo kantu eta jolasak elkar trukatzeko saioa izango da.
OKENDOKO LUDOTEKAKO EKINTZAK:
Azaroaren 26, asteazkena, 18:00etan: SUKALDARITZA TAILERRA.
Abenduaren 2, asteazkena 18:30etan: BALIABIDE TRUKE TAILERRA.
Abenduaren 11, osteguna, 17:00etan: HAURREK GIDATUTAKO ERAKUSKETA.
Abenduak 15, astelehena, 17:30etan: IPUIN KONTAKETA
Abenduaren 19, ostirala, 18:00etan: JAIALDIA

Haur eta gurasoentzat antolatutako saio hauetaz gain, Abenduaren 11an, 18:00etatik 20:00etara Kultur-Aten gurasoontzako antolatutako ipuin kontaketa ikastaroan parte hartzeko aukera izango duzue. (beharrezkoa da aldez aurretik ludotekan izena ematea)

Oharra: ekintza hauen inguruan edozein zalantza izanez gero, gerturatu zuen haurraren ludotekako hezitzaileengana. Helburua, zuen seme-alabei ahalik eta aisialdirik hezitzaileena eskaini nahirik guztion arteko elkarlana sustatzea baita, ekintza hauek denon artean eta denontzat prestatuz. Beraz, gerturatu eta eman izena zure seme-alabaren ludotekan parte hartzea gustatuko litzaizueken ekintzetan.
Besterik gabe, aurrez aipatutako ekintzetan parte hartzera animatzen zaituztegu.

TERMOMETROA

Ludotekako bi geletan, haurren jarrerak neurtzeko termometro bat egin dugu hezitzaileok. Termometroa, jarrera desegokiak egonez gero jartzen da martxan, eta jarrera desegokiek jarraitzen badute, termometroak gora egiten du eta gela guztiari eragiten dion "zigorra" ezartzen da. "Zigor" horiek, musika kentzea, koltxoneten txokoan jolas ez egitea, sukalde txokoan jolas ez egitea....izaten dira.

NAGUSIEN GELA

Gela honetan, astearte, eta ostegunetan 6-9urte bitarteko haurrak, ertainak, egoten dira eta astelehen eta asteazkenetan 9-12urte bitartekoak. Ostiraletan berriz bi taldeak egon daitezke. Bertan txoko desberdinak ditugu, haurren garapena bultzatzeko.

TXIKIEN GELA

Gela honetan, astelehen, astearte eta ostegunetan 3 eta 6urte bitarteko haurrak egon daitezke eta asteazkenetan berriz 6-9 urte bitarteko haurrak, ostiraletan bi taldeak egon daitezkelarik. Bertan txoko desberdinak ditugu, haurren garapena bultzatzeko.

OKENDOKO LUDOTEKA

2001ean ireki zen Okendoko ludoteka, Arrasateko erdigunean zegoen Seberoko ludotekaren ondorengo zuzena izan delarik.

2007/2008 ikasturtean 150 bazkide inguru izan zituen ludotekak eta lau hezitzailek egin zuten lan bertan. Funtzionamenduari dagokionean, taula baten bitartez funtzionatzen du guneak eta honela adin tarte bakoitzari egun jakin batzuk dagozkio. Aurten erabiliko dugun taula honako hau da: